http://www.diningexperiences.net/
新既blog會有齊舊既文章 (Summary part), 當然仲會不停發放新既review啦, 而且~
相更靚,
排版更好,
內容更豐富,
唯一不變, 文章依然好很漫長~!! 感謝支持!!!
RESTAURANT INFO:
Cuisine: Contemporary French
Ranking: 香港2016年3星米芝蓮, 全亞洲五十大最佳餐廳 (第四十名)
City: Hong Kong
Tel: +852 2166 9000
Address: Shop 315, 334 & 401, Landmark Atrium, Central, Hong Kong
Website: http://www.robuchon.hk/
DINING INFO:
Date: 14th May, 2016 (Saturday)
Time: 12:00 pm - 1:45 pm
Meal: Lunch
Pax: 2
With: T. Hon
Price: HK$2,800
- Food: $1,546
- Beverage: $898
- Others: 10% service charge
<題外話, 一如以往, 文章最後將會有推介Menu/ 菜式 for 2個人去食, 分享一下點樣用親民價錢 (每人唔駛一千...唔太離地吧...) 食三星米芝蓮>
城中出名法國菜著實不少, 四季既Caprice, 文華既Pierre, 置地文華既Amber, 港香既Petrus, 半島既Gaddi's, 等等等, 在下有幸叫做每間都試過, 而咁多間裏面剩係得Robuchon拎到三星, 其實真係食得出原因!
<餐廳來頭>
由於呢間野來頭實在太猛料, 一定要簡介下, Robuchon算係當今世上其中一位最偉大既廚師, 旗下有行唔同路線既餐廳, 遍佈世界各大城市, 佢一個人拎住25粒米芝蓮星星, 世上冇人能及,有唔少名廚都係由佢餐廳Train出黎.
<友人大頭蝦小插曲>
原本老早就訂左Gaddi's, 但臨食飯前一晚朋友告之因為身份問題而唔食得Gaddi's...咩料子... 在下唯有急急腳轉呔, 漏夜打電話去唔同餐廳轉booking, Pierre唔開禮拜六, Amber 同 Caprice 一早full 晒, Petrus 同 Spoon 個人認為係嘥錢 (所以打電話去問有冇位都費事...), 搵到最後好彩呢間robuchon 有位, 不過要食頭圍 (即刻一點半要交番張枱), 都OK啦, 最多早D起身同唔食早餐者~
<用餐簡介>
呢間Robuchon在下五六年前食過 (當時仲未出米芝蓮呢), 其水準之高, 令人念念不忘, 唯獨驚喜欠奉. 今次重遊舊地, 但願能夠尋求突破.
餐廳喺中環地鐵站G出口, 入左置地廣場一路沿住電樓梯一直上就冇錯. 兜兜轉轉黎到餐廳門口 (最後一條電樓梯), 一上到去黎迎接既係滿面笑容既侍者, 見朋友拎住一袋二袋, 即刻主動問駛唔駛幫佢擺起佢, 細心值得一讚!.
而今次到訪Robuchon最幸運既事就係 堅Robuchon 黎左睇場!!! 嘩! 真人肥過上鏡Wor~ 哈哈哈. 佢循例打左個轉同每一枱客人Say個hi, 就番埋去廚房督師. 食客覺得幸運, 其他廚師就好似如臨大敵. "精神領袖"黎睇場, 佢就企係你左面望
<叫野食>
午市套餐有三款, 分別在於包幾多道菜: 最平$598 (一個前菜/湯, 一個主菜, 一個甜品), 貴一級係$698 (一個前菜, 一個湯, 一個主菜, 一個甜品), 最豪既係$858 (一個前菜, 一個湯, 兩個主菜, 一個甜品). 一場黎到, 當然唔執輸叫最貴果個啦~ 每一個Course都有3-4個選擇, 唔會fix 死一個menu, 咁大家就唔怕被逼食到一啲自己唔鍾意既野.
番到屋企拎番張單一睇, $858既套餐只係收左$758, 係因為Robuchon御駕親征所以大郝天下嗎~? 哈哈, 在下就此謝過了~
<叫酒水>
坐低問飲咩, 例牌Sparkling Water. 今次飲既係法國既Saint Geron, 水一枝, 本以為冇咩特別, 飲落就發覺別有洞天, 水既礦物味頗重, 而亮點就在於佢係Semi Sparkling, 比一般有氣水冇咁多氣, 唔會太"乸", 用黎過場清味蕾一流, 大啖啲飲都唔怕"炸"親條脷.
終於唔駛再飲San Pellegrino了...法國餐廳, 點解要飲意大利水???
叫完水就叫酒, 呢度其中一樣名物就係佢地本wine list, 真係一本牛津字典咁厚, 可想然知酒櫃裏面裝左幾多枝佳釀. 在下對酒冇咩硏究, 本wine list 嘩過就算, 侍酒師Terence主動走過黎問有冇野幫到手.
喺呢個時候, 再次提醒大家, 唔好唔識扮識, 虛心求教/求救先係王道. 直接同酒師講你鍾意飲咩提子, 咩口味, 最緊要係你筆直, 咁就搞掂晒~
在下鍾情 Cabernet Sauvignon, 鍾意重果味, 預算$600-$800一枝, Terence 熟練地揭揭揭本"牛津字典", 指住枝美國Napa Valley 2000年既 Caymus, 介紹話如果唔介意佢唔係法國酒, 呢個價位, 呢種提子, 最值得飲係呢枝.
Well... to be honest, i dun fxxking care where it comes from.... hahaha... 好飲又啱筆直就得. 而最後信酒師當然係冇錯既, 呢枝 Cabernet Sauvignon 係在下生平飲過其中一枝最好既酒, 成餐飯既體驗即刻加分加分!!!
FOOD AND COMMENTS:
Menu: Lunch Set Menu
price: $758 per person
Bread Basket
叫完枝水後侍者就送上面包籃, 面包保持微暖, nice! 侍者逐一介紹~ 左上兩條長既係Baugette, 右上長果兩條長既都係Baugette, 不過加左D煙肉喺裏面, 呢個好好食!
左下及右下分別有兩款牛角酥~ 牛角酥乃係樓下同一集團餐廳Le cafe 既signature, 呢度當然冇失水準, 其中一款牛角酥除左有好香既牛油味, 仲mix左濃郁芝士, 夠晒邪惡, 正啊!!!
同一般法國餐廳唔同, 呢度既面包未必最正宗, 因為佢冇硬到咬甩牙, 但出發點係以食客喜好行先, 相信大部份香港人都唔係傳統法國面包既粉絲, 故呢間餐廳特登將面包整得淋身D, 表逹出一種體貼既美味.
注意:
面包...真係好好食, 但唔好食太多, 我同友人大約清左3分1, 已經打算埋單走人, 反正都夠飽唔駛食其他野...
Amuse Bouche: White asparagus panna cotta, tomato emulsion, fennel crispy roll with Parmesan cheese
送既敬菜, 白露荀意大利奶凍, 入口清新, 又帶少少甜味, 溝埋淡身既蕃茄蓉同橄欖油, 簡單食材造出深層次味道. 隔離果條係脆身既茴香, 頭尾痴左啲濃郁味道既巴馬臣芝士絲, 入口鬆脆, 口腔瀰漫住芝士香, 同時為呢餐三星午宴揭開序幕.
L'Hamachi - Creamy yellowtail tartare with avacado guacamole and sweet spices
price: $30 supplement
前菜叫左個要額外加三十蚊既油甘魚他他. 剁成碎撈埋牛油果同帶少少酸既沙律醬, 好味得黎又開胃, 而且賣相唔錯, good!
友人既前菜係隻太陽蛋, 配上露荀, 西班牙黑毛豬iberico火腿, 同griolle mushroom (黃油菇), 而太陽蛋下面係一件珍珠米餅.
在下偷試左半條露荀同一啖米餅. 露荀大路野, 正常味道, 值得一讚係烹煮時間剛好, 熟得黎唔會太淋, 保留到清爽咬口. 米餅最有驚喜, 質感好似麥記既薯餅, 但飯粒(薯粒)之間充滿著芝士, D芝士係可以扯到一絲絲出黎果隻, 真好味, 堅推介!
Le Homard - Lobster "tsukune" and assorted vegetables in fine spiced bouillon
本身在下係叫樓下既青豆湯, 但侍者介紹呢個湯既時候話係雞湯底...友人告之佢對雞湯敏感 (飲完會痕wor...邊度痕呢...真係引人入勝啦~) 但anyway, 為免成餐飯佢不停咁R, 在下好好人同佢對調左.
雞湯底, 日本Style (大粒既係龍蝦丸...人生第一次食真正既龍蝦丸... tsukune 其實係解日式雞肉丸之類既野), 配左唔同蔬菜 (腐皮啦, 同白色細細粒成日喺日本湯會出現既野..唔知係咩黎), 仲有大量既龍篙 tarragon.
湯係好清既雞湯, 味道倘可. 龍蝦丸老實說並無太大驚喜, 配菜都係普通野, 香料濃淡度調較得剛剛好, 可惜在下唔並唔係龍篙既粉絲, 而呢道湯最大既敗筆係底下既七味粉, 唔知廚師落得重手左, 定在下唔係太食得辣, 個湯愈飲愈辣, dislike....
下次都係叫番青豆湯...
被友人佔領左既法國青豆湯, 裏面有crayfish (淡水小龍蝦). 偷飲左一啖同夾左一細舊龍蝦肉, 個湯好香青豆味, 又夠滑身, 小龍蝦新鮮冇overcook, 很不錯~
最衰都係友人, 換左在下既湯, 不過算啦, 一世人兩兄弟~
Main Courses
Le Saint-Pierre - John Dory in tempura style with saffron risotto
法國菜一定要有既: 多舊魚~ 友人叫左John Dory (魴魚), 天婦羅造法, 配上藏紅花意大利飯. 在下試食左一啖, 魚味香濃又夠滑身, 出面既天婦羅亦炸得夠薄, 能夠為呢一道菜添一層脆皮質感而不覺累贅, 高質是也. 友人都十分喜歡!
Le Black Cod - black cod with Malabar black pepper sauce, Chinese cabbage, and coconut emulsion (推薦!!!)
在下就叫左道無死既鱈魚. 鱈魚油份高, 要將佢煮到又乾又鞋係一件好難既事, 所以鱈魚通常唔會難食得去邊. 所以反而整到佢好食唔難, 難處係要俾到食客驚喜, 而果然呢三粒星冇俾錯呢間Robuchon!
魚肉白滑不在話下, 魚油充沛令到魚香滿溢, 呢D基本野, 預左! 汁醬先係重點, 徧甜徧杰既黑胡椒汁, "河蟹"地Match到落條魚既油脂感覺, 而小棠菜除左用黎加強賣相之外, 清甜爽口既佢喺每啖魚肉之間扮演著逗號既角色.
然後, 重點黎啦, 個人認為成道菜既靈魂就係D白色椰汁泡包, 首先想像唔到佢出奇地夾到落碟餸度. 魚膩汁甜, 其實都幾heavy, 而呢堆椰汁由於係喺喺泡泡狀態, 冇substance, 得番香味, 佢喺碟餸裏面就好似沙漠中既綠洲, 喺油膩同甜漏之間一下醍醐灌頂 (冇誇大成份). 好野! 在下佩服!
在下既主菜: 慢煮法國鴿肉配鵝肝. 圖中看見中間舊肉有深淺色, 其實就係一邊鴿肉, 一邊鵝肝, 兩件好似風馬牛唔相干既野竟然又夾得黎!
鴿肉經過慢煮, 嫰上加嫰, 滲出淡淡鴿香, 令人感覺柔和. 相反, 鵝肝味濃, 霸氣十足, 一咬落去咇晒D油出黎, 完美演繹 "入口即融" 呢四隻字. 兩者一柔一剛, 加埋深淺色, 成個太極圓圈, 真係配合得天衣都無逢! 俾無限likessss 呢道菜!!!
至於隻脾, 正常野, 點少少伴碟既調味粉, 都唔錯, 反正重點都落左喺果三舊"太極"度...
呢度既名物之一, Lamb Saddle - 羊腰既兩邊位, 友人無私咁夾左一舊俾在下, 一字形容: 嫰~ 又係久違了既靚羊. 羊冇羶味, 有既係羊鮮. 配埋底下既蕃茄蓉, 三星實力不容忽視!
每道主菜好似都會跟一個薯蓉, 薯蓉乃係呢度既名物. 好既薯蓉一定要夠香 (薯仔香同牛油香), 夠滑 (落足夠既牛油同隔渣), 質地適中 (奶既比例),
不過凡事總有代價既...好味既薯蓉必然好肥 (因為真係落左好多牛油, 而薯仔同奶都唔係減肥人士既好朋友)... 所以在下唯有忍心放棄左一半.
Les Fromages - Fine imported cheese selection from the cheese trolley (推薦!!!)
由於氣管問題, 在下盡可能唔食凍野同甜野, 加上在下係愛芝士之人, 見到餐牌有芝士拼盤, 諗都唔駛諗就叫左呢個. 落單時待者會問你有冇咩芝士特別鍾意或者特別唔鍾意. 在下答除左blue cheese之外其他都OK (在下其實都食blue cheese, 只係考慮到已經幾飽, 唔想再食D咁強勢既野)
芝士拼盤有三款芝士, 由淡到濃 (頭尾果兩隻在下已經忘記叫咩名), 值得一提係中間果隻叫Brillat Savarin - 黎自法國諾曼第既牛奶芝士, 無論濃淡度同質地都係在下杯茶. 配埋伴碟既果醬, 杏仁, 提子, 同埋仲有額外一個面包藍裏面既 Crackers, 對於芝士愛好者, 呢道甜品真係無以上之.
邊個話法國菜細細碟唔飽, 食埋呢個芝士真係飽到上心口. 所以下次再黎叫少一個course就啱啱好!
Le Citron - Honey ice-cream with grapefruit and lemon cream
簡約既甜品: 蜂蜜雪糕配西柚及檸檬忌廉. 雖然甜品不嬲係係呢間法國餐廳既強項, 但朋友似乎對蜂蜜雪糕冇太大好感, 所以係咁易三扒兩口就KO左佢, 不予置評~
BEVERAGE:
1. Caymus Vineyards - 2000 Napa Valley - Cabernet Sauvignon (推薦!!!)
price: $800 per bottle
再次多謝侍酒師Terence既推介, 呢枝Cabernet Sauvignon 係在下飲過最好既頭幾枝 (可能在下飲得少好酒, 哈哈, 顯醜了)
最重要重要既係, 只賣$800... 睇落好似好貴, 但8舊水有咁既高質, 實屬難得! 佢話餐廳係十幾箱十幾箱咁入, 所以先做到呢個價, 出面就算自己買, 都要過千~
都係果句, 同好朋友出黎食飯, 傾得開心, 飲咩都係佳釀~
最重要重要既係, 只賣$800... 睇落好似好貴, 但8舊水有咁既高質, 實屬難得! 佢話餐廳係十幾箱十幾箱咁入, 所以先做到呢個價, 出面就算自己買, 都要過千~
都係果句, 同好朋友出黎食飯, 傾得開心, 飲咩都係佳釀~
2. Sparkling Water - Saint. Geron (推薦!!!)
price: $98 per bottle
OVERALL COMMENT
FOOD AND BEVERAGE
餐廳拎三星, 喺食物味道, 擺碟, 份量, 都無可挑剔, 係一間模範級別既法國餐廳. 除左個湯在下唔係太識欣賞之外, 無論鱈魚, 鴿肉鵝肝, 同芝士拼盤都俾到驚喜.
而且今次探訪有Robuchon親自助陣, 估計食物質素應該比平時更為出色.
ENVIRONMENT
採用左紅黑為主色, 營造高格調既用餐環境.
唯一爭少少既係平排坐呢個安排...在下明白呢個係特色之一, 餐廳原意係希望客人同廚師之間及客人同客人之間多D互動, 雖然坐落倘算鬆動, 唔會手掙碰手掙, 但唔多唔少都會聽到隔離食客傾緊D咩, 有時想講下壞話都唔係太好意思, 暫時喺環境上係呢個位爭少少~ other than, it is perfect~
值得借鏡係新加坡既Waku Ghin, 由頭食到落主菜都係坐Counter, 每個Counter坐6-8人, 一個鐵板燒師傅, 由於人少少, 客人同客人之間既互動比robuchon更多, 通常去親都會同隔離枱做左朋友. 而食完主菜之後, 就會帶食客到另一個dining room食甜品, 除左俾客人行兩步消化一下, 最緊要自己有番張枱, 俾番少少私隱, 畢竟好朋友約出黎食飯總會有D話題唔啱同其他人Share~
唯一爭少少既係平排坐呢個安排...在下明白呢個係特色之一, 餐廳原意係希望客人同廚師之間及客人同客人之間多D互動, 雖然坐落倘算鬆動, 唔會手掙碰手掙, 但唔多唔少都會聽到隔離食客傾緊D咩, 有時想講下壞話都唔係太好意思, 暫時喺環境上係呢個位爭少少~ other than, it is perfect~
值得借鏡係新加坡既Waku Ghin, 由頭食到落主菜都係坐Counter, 每個Counter坐6-8人, 一個鐵板燒師傅, 由於人少少, 客人同客人之間既互動比robuchon更多, 通常去親都會同隔離枱做左朋友. 而食完主菜之後, 就會帶食客到另一個dining room食甜品, 除左俾客人行兩步消化一下, 最緊要自己有番張枱, 俾番少少私隱, 畢竟好朋友約出黎食飯總會有D話題唔啱同其他人Share~
SERVICE
向來街檔 (non酒店餐廳) 既服務都俾人睇低一線, 總被認為不及酒店餐廳, 如果真係咁, 呢間一定係例外. 由入門口到埋單離開餐廳果一刻, 每個員工面上都掛住笑容. 而且佢地個個對餐牌都瞭如指掌, 清楚每一道菜有咩材料點煮法, 每次present menu都係專業既表現.
點名讚一讚Henry, 成餐飯主要由佢照顧我地果枱, 佢見在下對其中一隻芝士有interest, 主動抄低芝士個名喺張紙仔度, 仲細心提示city super 都搵到, 謹在此再次致謝, 令我地餐飯更臻完美.
細心, 見微知著, 這裏比起更多酒店餐廳有過之而無不及.
點名讚一讚Henry, 成餐飯主要由佢照顧我地果枱, 佢見在下對其中一隻芝士有interest, 主動抄低芝士個名喺張紙仔度, 仲細心提示city super 都搵到, 謹在此再次致謝, 令我地餐飯更臻完美.
細心, 見微知著, 這裏比起更多酒店餐廳有過之而無不及.
WORTHINESS
二千八百大洋喺香港食餐晏可能有大把選擇, 但要食物質素咁高, 枝酒又靚, 又有名氣既餐廳, 真係好難搵到. 所以呢度既lunch係超值!
RECOMMENDED MENU
喺香港食一餐法國菜, 如果係晚餐既話, 動輒每位二千, 未計酒水 (呢間robuchon既夜晚menu 盛惠$2,088) 其他1星2星果D都差唔多呢個價位. 如果下次大家黎食, 想平平地一嚐3星既威力, 呢度既午餐真係不二之選.
倘若唔係超大食既朋友, 推介大家叫一個$698 per person 既set (如果巧遇Robuchon 出巡, 可能又減一百呢), 咁就唔駛浪費左個超超超好味既面包籃同薯蓉, 又唔駛驚飽到郁唔到:
如果兩個人黎, 每人可嘗試叫以下既野, 大家分D俾大家食, 開心share嘛~
跟住樓上咁叫法, 菜式埋單$1,396 (或者$1,196.. 唔知架, 可能好彩呢), 加枝水, 假如唔飲酒既, 加埋一俾埋tips, 一千七百蚊兩個人落到樓~
記住記住要提早訂位啊~ 高級餐廳係唔會受任何經濟因素影響 (經濟好又full, 經濟唔好都full, 咩邏輯....)
以香港黎講, 呢三粒星, L'atelier de Joel Robuchon 受之無愧!
RECOMMENDED MENU
倘若唔係超大食既朋友, 推介大家叫一個$698 per person 既set (如果巧遇Robuchon 出巡, 可能又減一百呢), 咁就唔駛浪費左個超超超好味既面包籃同薯蓉, 又唔駛驚飽到郁唔到:
如果兩個人黎, 每人可嘗試叫以下既野, 大家分D俾大家食, 開心share嘛~
Appertizer
1. Le Foei Gras - Classic Landes foei gras terrine with cherry confit and crunch almond
法國人整鵝肝, 無死錯人, 不妨點一客
2. L'Ceuf de poule - pan-fried egg on pearl rice with girolle mushroom and green asparagus
Soup
1. Le Peiti Pois - French green pea"veloute" with crayfish and fresh mint
2. Le Peiti Pois - French green pea"veloute" with crayfish and fresh mint
剩係要個青豆湯, 個龍蝦丸雞湯唔好搞啦...
Main Course
1. Les Spaghettis - Maine Lobster spaghetti with coral emulsion $30 supplement
好耐之前食過一次: 龍蝦意粉, 又係食到舔晒脷既菜式, 強烈推介!
2. Le Pigeon - slow cooked French Pigeon and foie gras with cabbage
雖然樓上有鵝肝重覆左, 但兩個唔同食法, 前菜係凍食, 主菜係熱食. 老實講, 咁出色既主菜真係唔易搵.
Side Dish
2. Smashed potatoes
跟 Le Pigeon 送既, Spaghetti 就應該唔跟了. 放心, 一個薯蓉夠晒兩個人食... 因為真係幾濟下.
Dessert
1. Les Fromages - Fine imported cheese selection from the cheese trolley
鍾意芝士既朋友一定不容錯過呢個"甜"品
2. 問下當日侍者有咩推介~ 反正全部都唔駛加錢 (甜品總共有三四款, 一定有一款啱你)
Coffee or Me Tea + Petit Four (呢個唔駛錢的, 包埋)
埋尾飲番杯expresso, 配埋美點雙輝咁就完美結束
1. Le Foei Gras - Classic Landes foei gras terrine with cherry confit and crunch almond
法國人整鵝肝, 無死錯人, 不妨點一客
2. L'Ceuf de poule - pan-fried egg on pearl rice with girolle mushroom and green asparagus
Soup
1. Le Peiti Pois - French green pea"veloute" with crayfish and fresh mint
2. Le Peiti Pois - French green pea"veloute" with crayfish and fresh mint
剩係要個青豆湯, 個龍蝦丸雞湯唔好搞啦...
Main Course
1. Les Spaghettis - Maine Lobster spaghetti with coral emulsion $30 supplement
好耐之前食過一次: 龍蝦意粉, 又係食到舔晒脷既菜式, 強烈推介!
2. Le Pigeon - slow cooked French Pigeon and foie gras with cabbage
雖然樓上有鵝肝重覆左, 但兩個唔同食法, 前菜係凍食, 主菜係熱食. 老實講, 咁出色既主菜真係唔易搵.
Side Dish
2. Smashed potatoes
跟 Le Pigeon 送既, Spaghetti 就應該唔跟了. 放心, 一個薯蓉夠晒兩個人食... 因為真係幾濟下.
Dessert
1. Les Fromages - Fine imported cheese selection from the cheese trolley
鍾意芝士既朋友一定不容錯過呢個"甜"品
2. 問下當日侍者有咩推介~ 反正全部都唔駛加錢 (甜品總共有三四款, 一定有一款啱你)
Coffee or
埋尾飲番杯expresso, 配埋美點雙輝咁就完美結束
跟住樓上咁叫法, 菜式埋單$1,396 (或者$1,196.. 唔知架, 可能好彩呢), 加枝水, 假如唔飲酒既, 加埋一俾埋tips, 一千七百蚊兩個人落到樓~
記住記住要提早訂位啊~ 高級餐廳係唔會受任何經濟因素影響 (經濟好又full, 經濟唔好都full, 咩邏輯....)
以香港黎講, 呢三粒星, L'atelier de Joel Robuchon 受之無愧!
RATING:
Food: 39.5/40
Environment: 27.5/30
Service: 30/30
Minus: -3 (太辣的湯)
Bonus: +3 (Red Wine) +5 (Henry's hospitality)
Total: 100/100
Ranking: A+
Come Back: Yes
感激閱畢文章!
所有Dining Experiences既Summary在此!~
